Այսօր Եռաբլուրում ԱԻՄ առաջնորդ Պարույր Հայրիկյանին հիշեցրեց այն խոսակցությունները, ըստ որոնց` նրա` Գորիսի պարետ լինելու ժամանակ հուլիսի 29-ին հնարավոր էր խուսափել մեծ թվով զոհերից, եթե Հայրիկյանը լսեր մի քանի պաշտոնյայի խորհուրդները:
Հիշեցնենք, որ 1992թ. ԱԻՄ-ը, Հայրիկյանի ղեկավարությամբ, ձեռնամուխ եղավ նախկին Լաչինի, այժմ Բերձորի շրջանում փախստականների համար բնակավայրեր ստեղծելու գործին։ Թեև այս գործն արվում էի կամավորական հիմունքներով, բայց ՀՀ նախագահի հրամանագրով Հայրիկյանը նշանակվեց Գորիսի և Գորիսի շրջանի արտակարգ դրության պարետ։ Արցախի հյուսիսային շրջաններից հեռացող տասնյակ հազարավոր փախաստականներ հեռանում էին Արցախի հյուսիսային շրջաններից և, Հայրիկյանի բնորոշմամբ, գնում դեպի անհայտություն։ ԱԻՄ-ականների հիմնած բնակավայրերն օգնում էին նրանց մնալ հայրենիքում։ Սակայն 1992թ. հուլիսի 29-ին ԱԻՄ-ականների համակիրները մեծ թվով զոհեր տվեցին
«Բոլորը, ովքեր ասում են, որ խոսել են ինձ հետ և ինչ-որ խորհուրդ են տվել ինձ, ստում են, նրանք բարձր մակարդակի սրիկաներ են, որովհետև 1992 թ. hուլիսի 29-ի առավոտյան ես Լևոն Տեր-Պետրոսյանին տվել եմ որոշ թղթեր` ադրբեջանցիների նամակներ: Այնտեղ խոսվում էր այն մասին, որ կորած ադրբեջանցիները Սյունիքում իրար են փնտրում: Նախագահն ինձ ասաց. «Վազգեն Սարգսյաննն ինձ ասել է, որ այնտեղ հազար զինվոր կա, դուք պաշտպանված եք, անգամ զենք ստանալու անհրաժեշտություն էլ չունեք»: Եթե մենք զենք ճարած չլինեինք, ահավոր ջարդ էր լինելու, զոհերի թիվը մեծ էր լինելու, մանավանդ ԱԻՄավան 2-ում, որտեղ 200 փախստական էր ապրում, նրանցից ոչ մեկը չտուժեց: Նման խոսակցություններ տարածելը մեծագույն դավաճանություն էր զոհվածների հիշատակին: Լևոն Տեր-Պետրոսյանն այն ժամանակ պետք է պարկեշտություն ունենար և պատասխանատվության ենթարկեր այն մարդկանց, ովքեր պետք է մեր անվտանգությունը ապահովեին, բայց չէին արել: Այդ ժամանակ ցանկանում էին ինձ վարկաբեկել: Վազգեն Մանուկյանն ասում էր, որ ինձ ուզում են հեռացնել և սարերում սպանել: Մի մահափորձ եղավ` թուլացրել էին մեքենայի անիվը, այդ մեքենայով ես սարեր պետք է բարձրանայի, բայց էնպես ստացվեց, որ սարեր բարձրանալու փոխարեն ինձ Գորիս կանչեցին, որտեղ էլ թռավ անիվը: Դրանից հետո անգամ դրա հետ կապված քրեական գործ հարուցվեց»,- պատասխանեց ԱԻՄ առաջնորդը:
Աղբյուր՝ Mardik.am
Որոնում
Վերջին տեսանիւթեր
Պարոյր Հայրիկեանի ասուլիսը ՀԱՅԱՑՔ ակումբում, 13-ը ապրիլի 2016 թուական
Համախմբում ալընտրանքային նախագծի շուրջ՝ Սահմանադրական դավադրությանը «ոչ» ասելու համար
Ովքե՞ր էին դեմ անկախությանը. հռչակագրի ընդունումից 25 տարի անց Հայաստանի անկախությունը վտանգված է
Պարոյր Հայրիկեանի ասուլիսը ՊՈՍՏ ՍԿՐԻՊՏՈՒՄ ակումբում 28-ը ապրիլի, 2015 թուական
Նույն է, որ սիրո առաջարկ անողին կալանավորեն բռնաբարության փորձի համար. Հայրիկյան
P.S. Հյուրը Պարույր Հայրիկյանն է
Պարոյր Հայրիկեանի ասուլիսը ՀԱՅԱՑՔ ակումբում 10-ը մարտի, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում, 14-ը փետրուարի, 2015 թուական
Պարոյր Հայրիկեանի ասուլիսը յունուարի 31-ին, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում 13-ը նոյեմբերի, 2014
