Category: Ասուլիսներ
Published on 11 March 2015
Print

«Լեւոն Տեր-Պետրոսյանի նմանները խոսում են Կարսի պայմանագրի մասին՝ հիշատակելով, որ մենք հերոսաբար չընդառաջեցինք այն մարդկանց, ովքեր խոսում էին Կարսի պայմանագիրը չեղյալ հայտարարելու մասին: Մարդը վատ բան է անում, հետո էլ հպարտանում է: Ստրկամիտ բան է անում, հետո ասում՝ տեսեք, ես որքան իրատես էի»,- այսօր «Հայացք» ակումբում ասաց ԱԻՄ առաջնորդ Պարույր Հայրիկյանը. «Ցանկացած պոռնիկ, որ կանգնած է Երեւանյան լճի մոտ, շատ իրատես է, բայց մեզ այդ տեսակ իրատեսություն պետք չէ, մեզ պետք է ճշմարտասիրություն, ազատասիրություն»:

Ըստ նրա, այնպիսի անթույլատրելի հայտարարություններ, ինչպիսիք իրեն թույլ է տվել առաջին նախագահը, անթույլատրելի է նույնիսկ փողոցում կանգնած, ուսում չստացած անձի համար, ուր մնաց պետական բարձր պաշտոն զբաղեցրածին:

Խոսելով 1921-ի մարտի 16-ի պայմանագրի մասին՝ նա ասաց. «Բոլոր նրանք, ովքեր կխոսեն Ցեղասպանության մասին եւ չեն հիշատակի մոսկովյան մարտի 16-ի պայմանագիրը, որն առ այսօր գործում է եւ դրանով Մոսկվան պարտավորվում է ճնշել բոլոր հայերին, որոնք կխոսեն Թուրքիայի դեմ, որեւէ բառ կասեն, նա իր տեղում չէ: Մեղմ եմ ասում: Աշխարհում շատ քիչ է եղել, երբ երկու պետություն որոշում են երրորդ պետության ճակատագիրը»:

Aravot.am-ը Պարույր Հայրիկյանից հետաքրքրվեց՝ Լեւոն Տեր-Պետրոսյանը հանրահավաքում հայտարարեց, որ իրենք ունեն արտոնված հանրահավաքների շարք, որոնք այսպես ասած նվիրում է ձեզ եւ այլ ընդդիմադիրներին: Պատրաստվո՞ւմ եք օգտվել այդ հնարավորությունից եւ անելո՞ւ եք հանրահավաք՝ նա պատասխանեց. «Թե չէ ի՞նչ պիտի աներ, որ չնվիրեր: Լեւոն Տեր-Պետրոսյանի տված շանսի՞ց օգտվեմ՝ փախստական Լեւոն Տեր-Պետրոսյանի: Նա, ում փըշտ արեցին, լինելով գլխավոր հրամանատարը երկրի՝ փախավ: Դա է Լեւոն Տեր-Պետրոսյանը: Իրեն ընդամենը մի հատ փըշտ են ասել ու փախել է: Հիմա նա համարձակվում է մեջտեղ գալ ու խոսել որպես ազգային գործի՞չ: Ինձ հետ խոսելիս Լեւոն Տեր-Պետրոսյանի ուղղորդումները կարող եք չհիշատակել, բարեկամաբար եմ ասում: Նա ինձ համար 0 եղել է, զրո էլ կա: Նա մեծագույն չարագործն է, ուզո՞ւմ եք ապացուցեմ: Նա կեղծ ընտրություններով է դարձել ՀՀ Գերագույն խորհրդի նախագահ՝ ԿԳԲ-ի օգնությամբ: Նրա ասածները լուրջ բանի տեղ դնելը…»:

Մեր դիտարկմանը, որ նա առաջին նախագահ է եւ սիմվոլ է, որի մասին խոսել այդպես՝ Պարույր Հայրիկյանը միջամտեց. «Ե՛ս եմ առաջին ազգային գործիչը: Ես՝ ամբողջ Սովետական միության առաջին կազմակերպության հիմնադիրը, ձեզ ասում եմ՝ Լեւն Տեր-Պետրոսյանը ժողովրդավարության, մարդու իրավունքների առումով հանցագործ է: Ինքը օգտագործեց այդ պաշտոնը, որ դառնա նախագահ: Բոլոր նրանք, ովքեր ասում են, որ 91-ին նա արդար է ընտրված, ինչո՞ւ 96-ին էլ արդար չընտրվեց, դարձավ միանգամից սրիկա՞, բայց 91-ին լա՞վն էր»:

Հայրիկյանը հարց ուղղեց՝ ումի՞ց պետք է օգնություն հիմա խնդրի Լեւոն Տեր-Պետրոսյանը. «Գագիկ Ծառուկյանից օգնություն խնդրեց, նա փախավ, հիմա՞ ումից պիտի խնդրի՝ Իվանիշվիլիից: Ասում էր, որ մեր Գագիկ Ծառուկյանն ավելի վատը չէ, քան Իվանիշվիլին: Իր սիրած մարդը փախավ: Այդպիսի առաջին նախագա՞հ է լինում: Առաջին նախագահը ժողովրդին ասում է՝ մարդիկ, հույսներդ դրեք փողի վրա՞, նյութի վրա՞: Այնպես որ, Լեւոն Տեր-Պետրոսյանը չի կարող ինձ ուղղորդել որեւէ հորդորով հանրահավաք անել կամ ոչ: Լեւոն Տեր-Պետրոսյանը փախավ, ասեց՝ որոշակի ուժերի ճնշման տակ ես հեռանում եմ: Դու գլխավոր հրամանատար ես, այ բալիկ ջան, ո՞ւր ես փախնում, մի հատ Հայրիկյանին հարցրու, գուցե քեզ ասի ինչ անես»:

 

Աղբիւր՝ Առավոտ

 

 
Category: Ասուլիսներ
Published on 14 February 2015
Print

Հայրիկյանը Քոչարյանի մասին. «Դավաճանը չի կարող վերադառնալ իշխանության»

ԱԻՄ առաջնորդ Պարույր Հայրիկյանը չի հավատում, որ ՀՀԿ-ԲՀԿ տարաձայնությանը՝ համոզված լինելով, որ այդ ամենի նպատակը մեկ ուղղությամբ բեւեռացված դաշտը երկու մասի բաժանելն է:
Այսօր «Տեսակետ» ակումբում Պարույր Հայրիկյանը կարծիք հայտնեց, որ այդ ամենի մասին կարող են խոսել ամեն ոք, բացի «այդ երկու անձից», քանի որ նրանք, երկար տարիներ նույն թիմից են եղել:

Պարոն Հայրիկյանը, մեջբերելով գրող եւ մտավորական Ռաֆայել Պատկանյանի մտքերը, ասաց՝ հայ է նա ,ով պայքարում է անկախության համար: Իսկ ՀՀԿ-ի ու ԲՀԿ-ի պայքարը, Պարույր Հայրիկյանի համոզմամբ, ոչ մի կապ չունի անկախության հետ. «Հայ ժողովրդի բոլոր դարերի հիմնական խնդիրը եղել է Հայաստանի անկախությունը: Եթե Հայաստանում ինչ-որ գործընթաց է ընթանում, որը կապ չունի անկախության հետ, անկախության վերականգնման հետ, ապա այն ոչ մի կապ չունի հայության հետ»:

Հայրիկյանի տպավորությամբ, արհեստական բեւեռացում է կատարվում:
Այս տեսակետն ունեն նաեւ մեր երկրում մարդու իրավունքների եւ Հայաստանի ինքնիշխանության հարցում համակարծիք 6-7 կուսակցություն՝ «Ժառանգությունը», ՀՀՇ-ն, «Ազատ դեմոկրատները», ԱԻՄ-ը, «Ժողովրդավարական հայրենիքը», «Հիմնադիր խորհրդարանը» եւ «Պահպանողական կուսակցությունը»:
Ըստ Պարույր Հայրիկյանի, փորձ է արվում Հայաստանում գոյություն ունեցող մի բեւեռը բաժանել երկու մասի, այսինքն` այնպես անել, որ երկու բեւեռն էլ լինեն նույնը. «Նրանց հետաքրքրում է ամեն ինչ, բացի հայ մադու ազատագրումը Հայաստանի պետականության ամրապնդումը: Նույնիսկ , եթե փողոց դուրս բերվեն հարյուր հազար մարդ, նույնիսկ, եթե մարդիկ կամավոր գան կամ իշխանական լծակների ստեղծմամբ կամ դրամի ազդեցության տակ»:

Հարցին, թե եթե եռյակը սկսի պայքար, «Ժառանգությունն» էլ եռյակի անդամ է, ապա ինչպես է պարոն Հայրիկյանը պատկերացնում՝ «Ժառանգությունը» ու՞մ կողքին է կանգնելու. «Նրանք հարաբերությունների մեջ եղել են անցյալում, մեզ համար շահեկան խնդրի վերաբերյալ «Ժառանգությունը» երբեք ինքնաուրացում, ինքնամերժում թույլ չի տվել, նույնիսկ, եղել են հակադրություններ, երբ եռյակի անդամներից մեկն ասել է այս գործընթացն անշրջելի է, Րաֆֆի Հովհաննիսյանը տեղում փորձել է, ասել, որ ինքն այդ կարծիքին չէ: Այնպես որ դուք տարբեր ուժերի հարաբերությունների եւ նրանց սկզբունքայնության մասին պիտի մի քիչ սպասեք վերջնական գնահատական տալու համար»:

Ճշտող հարցին, թե եթե եռյակը փորձի Գագիկ Ծառուկյանի կողքին կանգնել եւ պայքար սկսել, այդ դեպքում Պարույր Հայրիկյանը շարունակելո՞ւ է իր համագործակցությունը, պարոն Հայրիկյանն ասաց. «Չեմ կարծում, որ դուք ինձնից ավելի լավ եք ծանոթ եռյակի անդամների ուժերի հավակնություններին, տրամադրություններին, դուք հավատում եք, որ Րաֆֆի Հովհաննիսյանը, լինելով եռյակի կազմում, սատարում է ինչ-որ մեկի՞ն, թե հետապնդում է իր նպատակները: Ես Րաֆֆի Հովհաննիսյանի փաստաբանը չեմ, բայց ավելին կարող եմ ասել, Րաֆֆի Հովհաննիսյանն այպիսի հավակնություններ ունի, որ դուք, երբեւէ տեսե՞լ եք, որ նա, որեւէ մեկին պաշտպանի: Րաֆֆի Հովհաննիսյանն ինքն իրեն է պաշտպանում, իր սկզբունքները»:

Պատասխանելով Aravot.am-ի հարցին՝ կրկին խոսք է գնում Ռոբերտ Քոչարյանի՝ քաղաքականություն վերադառնալու մասին, Պարույր Հայրիկյանն ասաց. «Եթե մեկը ծախում է երկիրը, ամբողջ աշխարհում ինչ են ասում երկիրը ծախող մարդուն, դավաճան: Դուք խոսում եք դավաճան մարդու՝ իշխանության վերադառնալու մասին: Քոչարյանը պետք է ուրախ լինի, որ ինքը, որպես դավաճան չի դատվել, որովհետեւ, Ռոբերտ Քոչարյանը պաշտոնապես հրապարակավ ծախել է Հայաստանը, եթե ուրիշ ոչ մի բանի մասին չխոսենք, գույք պարտքի դիմաց գործարքը նշանակում է ծախել երկիրը: Իսկ երկիրը ծախելը նշանակում է դավաճանություն: Դավաճանը պետք վերադառնա իշխանությա՞ն»:

 

Աղբիւր՝ Առաւոտ

 
Category: Ասուլիսներ
Published on 18 September 2014
Print

«Սահմանադրական բարեփոխումների հանձնաժողովը՝ Գագիկ Հարությունյանի գլխավորությամբ իրեն անպարկեշտ է պահում»,-այսօր «Զարկերակ» մամուլի ակումբում լրագրողների հետ հանդիպմանը հայտարարեց ԱԻՄ առաջնորդ Պարույր Հայրիկյանը:

Նա նշեց, որ Գագիկ Հարությունյանի հետ լավ հարաբերություններ ունի, «բայց հայտարարում է, որ ինքն է 1990-ականներին իրականացրել սահմանադրական բարեփոխումներ: Բայց նույնիսկ Հայրիկյանի կենդանության օրոք Հայրիկյանին թաղո՞ւմ եք: Ես 1990-ականներին պաշտոնապես գլխավորել եմ այդ հանձնաժողովը, ՍԴ-ից էլ երկու հոգի իմ ենթականերից են եղել»:

Պարույր Հայրիկյանի համար անտրամաբանական է, որ ուզում են փոխել Սահմանադրությունը, այն դեպքում, երբ 2005-ին իրենք էին դրության տերը, այդ ժամանակ է ընդունվել այս Սահմանադրությունը:

Հայրիկյանը կողմ է նախագահական համակարգին: Այս առիթով նա պատմեց իր և Վազգեն Մանուկյանի՝ Արցախում հանդիպումից մի դրվագ. «Ես եղել եմ նախագահական համակարգին կողմ, եղել եմ նախագահի պաշտոն ստեղծելու համար կռիվ տվող, հիմա էլ դրա կողմնակիցն եմ: Վազգեն Մանուկյանն ինձ ասաց, թե հիմնական մասը խորհրդարանական համակարգի կողմնակից են, մի մասը կիսանախագահական, միայն դու ես նախագահականի կողմնակից: Ասացի, թե միշտ առաջադեմ գաղափարներին կողմ են լինում քչերը, ապուշություններին՝ շատերը»:

Պարույր Հայրիկյանն առաջարկում է ավելի հաճախակի դարձնել թե նախագահական, թե խորհրդարանական ընտրությունները՝ մեծացնելով ժողովրդի մասնակցությունը:
Հայրիկյանը կասկածում է, որ ՀՀ իշխանությունները կարող են սեպտեմբերի 21 նշել ու մանրամասնում. «Ինչպե՞ս կարող են սրանք սեպտեմբերի 21 նշել, եթե դեմ են գնում սեպտեմբերի 21-ին: Հիմա մենք Ռուսաստանից 94 տոկոսով դուրս ենք եկել, բայց նորից ՌԴ ենք գնում առանց որևէ հանրաքվեի»:

Այնուհետև Պարույր Հայրիկյանը խոսեց իր դեմ խանդի մասին. «Էս ի՞նչ անասնական խանդ է Հայրիկյանի նկատմամբ, կարող է՝ պատճառն այն է, որ ես կարող էի տասնութ տարի նստել ու չկոտրվել, բանաստեղծություններ, երգեր գրել: Էդ խանդը ինչքա՞ն պիտի ձեզ հետապնդի»:

Aravot.am-ի հարցին մտավախություն չունի՞, որ ՀՀ նախագահ Սերժ Սարգսյանը սահմանադրական բարեփոխումների գործընթացը նախաձեռնել է, քանի որ նրա հիմնական նպատակը ԱԺ նախագահի աթոռն է, պարոն Հայրիկյանը պատասխանեց. «Սերժ Սարգսյանն ասել է, որ ինքը չի պատրաստվում նախագահ և վարչապետ դառնալ, ինչպես Լևոն Տեր-Պետրոսյանը, Ռոբերտ Քոչարյանը, որոնք ժամանակին նույն թիմի մարդիկ էին: Նրանց բոլորի և քաղաքական գործիչների հիմնական մասի համար, ովքեր քաղաքականությանը նայում են որպես բիզնեսի, այս բոլորի համար ցանկացած փոփոխության հիմքում ընկած է իրենց անձնական նկատառումը: Բայց կան մարդիկ, որ կարող են բանտում լինել, բայց չմտածել իրենց բանտի մասին, այլ ժողովրդի: Դա մարդկային է, որ բոլոր մարդիկ նաև քաղաքական գործիչներն իրենց շատ քայլերի հիմքում տեսնեն իրենց անձնական շահը»:

 

Աղբիւր՝ Aravot.am

 
Category: Ասուլիսներ
Published on 01 February 2015
Print

Պարոյր Հայրիկեանի մամլո ասուլիսը՝ մահափորձից 2 տարի անց

 
Category: Ասուլիսներ
Published on 25 August 2014
Print

«Ես՝ լինելով անկախության պայքարի, չեմ թաքցնի ասել՝ առաջնորդը, միջազգայինորեն ճանաչված առաջնորդը, այն միակ մարդը, ում 300 միլիոն սովետական քաղաքացիների մեջ այլևս չկարողացան այդ պերեստրոյկայի տարիներին թույլ տալ գործել և ստիպված եղան արտաքսել, ասում եմ, որ՝ այո՛, Հայաստանի անկախությանը և գոյությանը լուրջ վտանգ է սպառնում: Այդ վտանգը արտահայտվում է ռուսական իմպերիալիզմի վերջին նկրտումների մեջ: Անկախության հռչակագրից մենք նահանջել ենք, և ամենամեծ նահանջ թույլ տվեց Սերժ Սարգսյանը անցյալ տարի սեպտեմբերի 3-ին: Կարծում եմ, որ մենք դեռևս վերջնականապես հրաժարվելու մակարդակին չենք հասել և կարծում եմ՝ ճանապարհին կշտկենք»,- այսօր լրագրողների հետ հանդիպման ժամանակ՝ խոսելով Անկախության հռչակագրի տարեդարձի մասին ասաց «Ազգային ինքնորոշում» միավորման առաջնորդ Պարույր Հայրիկյանը:

ԱԻՄ առաջնորդը նշեց, որ վերջին շրջանում Հայաստանի իշխանությունների գործունեությունը ցույց է տալիս, որ իշխանություններն ավելի ու ավելի են հեռանում անկախության հռչակագրից՝ օգոստոսի 23-ին ընդունած սկզբունքներից: Օգոստոսի 23-ը որպես Անկախության հռչակագրի օր նշելու վերաբերյալ էլ ասաց, թե՝ տեսնենք՝ վաղը քաղաքական գործիչներից, պետական այրերից ովքեր և ինչ մակարդակով կանդրադառնան:

«Արժեքային համակարգի տեսանկյունից Հայաստանի պաշտոնյաները այսօր տեղատվություն են ապրում օգոստոսի 23-ի սկզբունքների համեմատությամբ: Բնական է, որ տեղատվություն ապրողները պիտի օգոստոսի 23-ի նկատմամբ անտարբեր լինեին»,- ասաց Պարույր Հայրիկյանը:

Անդրադառնալով անկախության արժեքներին, Պ. Հայրիկյանն ասաց, որ հայերի քաղաքագիտական և պատմագիտական միտքն ըստ արժանվույն չի գնահատում օգոստոսի 23-ի նախապատմությունը.

«Պատմության դասագրքերում լավագույն դեպքում «Ազգային միացյալ կուսակցության» հետևողական գործունեությունը, Սովետական միության մեջ անընդմեջ գործող միակ այլընտրանքային ընդդիմադիր կազմակերպության գործունեությունը ներկայացվում է որպես այլախոհական շարժման մաս: Մինչդեռ դա շատ ուղղակիորեն ընդգծված ազգային ազատագրական պայքարի դրսևորում էր: Եվ, դրանից ելնելով՝ այսօր մեր պատմաբանները ճշտում կատարելու խնդիր ունեն:

Ինչ վերաբերում է օգոստոսի 23-ին ընդունված հռչակագրի նշանակությանը՝ ամենակարևոր բանը, որ մենք պետք է ընդգծենք՝ այդ հռչակագիրը մեր կայնքի մասն է կազմում որպես մեր Սահմանադրության մաս: Եթե մեր Սահմանադրության օրը նշվում է որպես հուլիսի 5, պետք է նկատի ունենանք, որ իրավագիտական փաստաթղթային հիմքերը դրվել են օգոստոսի 23-ին: Որոշակի տարօրինակություններ կան մեր տոների և հիշատակի օրերի օրենքում. Անկախության օր է նշվում սեպտեմբերի 21-ը և օգոստոսի 23-ը անորոշության է մատնված: Ամեն դեպքում հայ ժողովրդի պատմությամբ, հայ քաղաքագիտական զարգացումների ընթացքով հետաքրքրվող մարդիկ օգոստոսի 23-ի դերը գիտեն»:

Պարույր Հայրիկյանը հիշեց, թե ինչպես են իրենք պայքարել Սահմանադրության ընդունման համար.
«Սովետական միության օրոք բոլորը կոմունիստ էին, բոլորը կոմունիստական համակարգի մաս էին կազմում: Չնայած այդ կոմունիստականությամբ փորձում էին բարդույթավորել հայ մարդուն, բայց ասպարեզ էր եկել նոր քաղաքական ուժ՝ «Ազգային ինքնորոշում» միավորումը, որը «Ազգային միացյալ կուսակցության» հիման վրա էր ասպարեզ եկել, բայց նա խնդիր չէր դնում: Եթե մեկն ասում էր՝ ես կոմունիստ եմ, ասում էին՝ ոչինչ, կարող ես նաև կոմունիստ լինել, բայց Սահմանադրությամբ ասված է, որ հանրապետությունները կարող են անկախանալ: Մենք չէինք գնում հակադրվելու ճանապարհով: Ընտրությամբ Գերագույն խորհրդի պատգամավոր դարձած մարդկանց մեծ մասը արդեն ապրում էր ինքնորոշման շարժման ոգով: Սխալմամբ դա կոչվում է Արցախյան շարժում, բայց Արցախյան շարժումը ավարտվեց այն պահին, երբ «Լենին-պարտիա-Գորբաչով» կարգախոսները փոխարինվեցին Արցախի ճանաչում, Արցախի միացում, Արցախի ինքնորոշում կարգախոսներով, որովհետև կոմունիստները փորձում էին Արցախյան շարժումը օգտագործել, այսօր էլ ռուսական իմպերիալիզմը փորձում է օգտագործել»:

 

Աղբիւր՝ 168.am

 

Page 2 of 9

 

Որոնում

Վերջին տեսանիւթեր

?>?>