«1918-ի մայիսի 28-ի դասերից օգտված միակ քաղաքական գործիչը ձեր խոնարհ ծառան է»,-այսօր «Փաստարկ» ակումբում լրագրողների հետ հանդիպմանն այսպիսի կարծիք հայտնեց ԱԻՄ նախագահ Պարույր Հայրիկյանը՝ Հանրապետության օրվան ընդառաջ անդրադառնալով մայիսի 18-ի դասերին:
Պարոն Հայրիկյանը հայտնեց, թե Մայիսի 28-ը դավադրաբար կոչում են առաջին հանրապետության օր ու շարունակեց. «Այդ դավադրությունը Լևոն Տեր-Պետրոսյանն ու իր ԿԳԲ-ական թիմակիցները միտումնավոր են արել: Երկիրը չի կարող ունենալ հանրապետություն և դրանից յոթանասուն տարի հետո նշել անկախության օրը: Այս դավադրությանը հաջորդեց մեկ այլ դավադրություն, 1991 թվականի ինքնորոշման օրը կոչվեց անկախության օր: Միանգամից հայ մարդու մտածելակերպը խեղվեց: Ինչպես է, որ անկախության հռչակագիրը ընդունվում է օգոստոսի 23-ին, բայց անկախության օրը նշվում է սեպտեմբերի 21-ին»:
Պարույր Հայրիկյանը տեղեկացրեց, թե մայիսի 28-ին այցելելու են էջմիածին՝ Գևորգ Կաթողիկոսի շիրիմին, այնուհետև Արամ Մանուկյանի, Մովսես Գորգիսյանի, Հայկազ Խաչատրյանի շիրիմներին:
Հարցին՝ ինչո՞ւ է ժողովրդին օտար դարձել մայիսի 28-ը, պարոն Հայրիկյանը պատասխանեց, թե «ԿԳԲ-ի գործակալական ցանցին է դա ձեռնտու»:
Այնուհետև պարոն Հայրիկյանը մտահոգվեց, թե այսօր մայիսի 28-ը արժեզրկված է նրանով, որ չի կոչվում անկախության օր:
Aravot.am-ի հարցին՝ դավադրությունների փուլն այսօր է՞լ է շարունակվում: Նա պատասխանեց. «Դավադրության փուլը հիմա էլ է շարունակվում: Դա
ցայտուն արտահայտվում է Մաքսային միությանն անդամակցության տեսքով: Մաքսային միության դեմ ուղղված մեր քայլերը դավադրությունը կասեցնելու դեմ են»: Մեր մյուս հարցին՝ արդյոք փակուղի չի՞ մտել Մաքսային միությանը՝ ՀՀ-ի անդամակցության հարցը, պարոն Հայրիկյանը պատասխանեց. «Ընդհանրապես ինքը Մաքսային միությունը փակուղի չի՞ մտել: Երբ որևէ համագործակցության հիմքում ընկած են երեք բռնապետների քմահաճույքներ, բնականաբար խոչընդոտներ են լինելու»:
Տաթև ՀԱՐՈՒԹՅՈՒՆՅԱՆ
Աղբիւր՝ Aravot.am
Որոնում
Վերջին տեսանիւթեր
Պարոյր Հայրիկեանի ասուլիսը ՀԱՅԱՑՔ ակումբում, 13-ը ապրիլի 2016 թուական
Համախմբում ալընտրանքային նախագծի շուրջ՝ Սահմանադրական դավադրությանը «ոչ» ասելու համար
Ովքե՞ր էին դեմ անկախությանը. հռչակագրի ընդունումից 25 տարի անց Հայաստանի անկախությունը վտանգված է
Պարոյր Հայրիկեանի ասուլիսը ՊՈՍՏ ՍԿՐԻՊՏՈՒՄ ակումբում 28-ը ապրիլի, 2015 թուական
Նույն է, որ սիրո առաջարկ անողին կալանավորեն բռնաբարության փորձի համար. Հայրիկյան
P.S. Հյուրը Պարույր Հայրիկյանն է
Պարոյր Հայրիկեանի ասուլիսը ՀԱՅԱՑՔ ակումբում 10-ը մարտի, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում, 14-ը փետրուարի, 2015 թուական
Պարոյր Հայրիկեանի ասուլիսը յունուարի 31-ին, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում 13-ը նոյեմբերի, 2014
