Ազատության հրապարակում այսօր նորից հանրահավաք անցկացրեց ԱԻՄ առաջնորդ Պարույր Հայրիկյանը: Նա խոսեց Մաքսային միությանը Հայաստանի անդամակցելուց, դրա բացասական կողմերից՝ կրկին շեշտելով, որ Հայաստանն այս կառույցում կկորցնի իր ինքնավարությունը:
Հավաքի արդյունքում նա ներկայացրեց ՄՄ-ին Հայաստանի անդամակցելու վերաբերյալ իր թիմի կազմակերպած հարցումը, որն անցկացվել է Հայաստանի չորս մարզերում և Երևանում: Հարցված 995 անձանց 28.7 տոկոսը ցանկացել է, որպեսզի Հայաստանն անդամակցի ՄՄ-ին, 29.68 տոկոսը՝ ԵՄ-ին, չի կողմնորոշվում հարցվածների 22 տոկոսը, 17 տոկոսը ցանկանում է առանց որևէ միության անդամակցելու պետություն ունենալ, իսկ 2.6 տոկոսը համագործակցությունը տեսնում է այլ պետության հետ:
Այն հարցին, թե ՄՄ-ի և ԵՄ-ի միջև ընտրություն կատարելու դեպքում որը կընտրեին, հարցվածների 56 տոկոսը պատասխանել է, որ կուզեր անդամակցել ԵՄ-ին, 44 տոկոսը՝ ՄՄ-ին:
Ըստ Հայրիկյանի՝ Մաքսային միությանը միանալու միակ՝ անվտանգության երաշխիքը ևս հօդս է ցնդել, քանի որ այս երկիրը զենք է վաճառել մեր հակառակորդ երկրին. «Վերջերս ամբողջությամբ «ջրվեց» անվտանգության այդ պատրանքը: Հենց այն պահից, երբ ՌԴ-ն զենք վաճառեց Ադրբեջանին, հայ քաղաքական գործիչները պետք է ասեին՝ վերջ, մենք ձեզ հետ այլևս հարաբերություններ չունենք»:
Նրա կարծիքով՝ ՌԴ-ն մեզ վաճառում է այն, ինչ պիտի աղբանոց ուղարկվի:
Մանրամասները դիտեք տեսանյութում:
Աղբիւր՝ 1in.am
Որոնում
Վերջին տեսանիւթեր
Պարոյր Հայրիկեանի ասուլիսը ՀԱՅԱՑՔ ակումբում, 13-ը ապրիլի 2016 թուական
Համախմբում ալընտրանքային նախագծի շուրջ՝ Սահմանադրական դավադրությանը «ոչ» ասելու համար
Ովքե՞ր էին դեմ անկախությանը. հռչակագրի ընդունումից 25 տարի անց Հայաստանի անկախությունը վտանգված է
Պարոյր Հայրիկեանի ասուլիսը ՊՈՍՏ ՍԿՐԻՊՏՈՒՄ ակումբում 28-ը ապրիլի, 2015 թուական
Նույն է, որ սիրո առաջարկ անողին կալանավորեն բռնաբարության փորձի համար. Հայրիկյան
P.S. Հյուրը Պարույր Հայրիկյանն է
Պարոյր Հայրիկեանի ասուլիսը ՀԱՅԱՑՔ ակումբում 10-ը մարտի, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում, 14-ը փետրուարի, 2015 թուական
Պարոյր Հայրիկեանի ասուլիսը յունուարի 31-ին, 2015 թուական
Պարոյր Հայրիկեանի ասուլիսը ՏԵՍԱԿԵՏ ակումբում 13-ը նոյեմբերի, 2014
