Category: Հարցազրիւյցներ
Published on 13 March 2013
Print

Ազգային ինքնորոշում միավորումը որոշել է չմասնակցել Երեւանի ավագանու ընտրություններին:NEWS.am-ի թղթակցի հետ զրույցում ԱԻՄ առաջնորդ, նախագահի նախկին թեկնածու Պարույր Հայրիկյանը նշեց, որ ժողով են արել, որոշումը ընդունված է:

«Այս քաղաքական իրավիճակում տեղական ինչ-որ բանի մասնակցելը ինքնանպատակ բան է դառնում քաղաքական ուժին ոչ այնքան վայել: Որովհետեւ քաղաքական դաշտի բացակայության դեպքում քաղաքական ուժի հիմնական խնդիրը քաղաքական միջավայրի ստեղծումն է, տեղում մանր ու մեծ աթոռակռիվներին մասնակցելը ԱԻՄ-ին վայել բան չէ»,- ասաց ԱԻՄ առաջնորդը:

Պարույր Հայրիկյանը նշեց, որ ամեն րոպե կարող է իրավիճակ փոխվել,այդ դեպքում չի  բացառվում, որ փոխվի նաեւ իրենց որոշումը: «Եթե քաղաքապետարանի ընտրությունները Հայաստանի ժողովրդավարացման համար տրամպլինի դեր կատարեն, այդ դեպքում կարող է մեր դիրքորոշումը փոխվել, մարդիկ մտածում են  ընդամենն իշխանության մեջ մտնել կամ մի քանի աթոռ ունենալ, դա մեր տեղը չէ»,- նշեց Հայրիկյանը:

 
Category: Հարցազրիւյցներ
Published on 13 March 2013
Print


Ազգային ինքնորոշում միավորումը քննարկել է Հայատանում փետրվարի 18-ին կայացած  նախագահական ընտրություններից հետո սկսված հետընտրական զարգացումները եւ դրանց վերաբերյալ ունի հստակ որոշում եւ ձեւակերպումներ:NEWS.am-ի թղթակցի հետ զրույցում ԱԻՄ առաջնորդ, նախագահի նախկին թեկնածու Պարույր Հայրիկյանը մեջբերելով «քո շքերթի ժամանակ չենք ուզում, որ անձրեւ գա» ասույթը, նշեց, որ դրանից ելնելով` ընդհանուր գնահատականը չեն հնչեցնում, որովհետեւ բոլորն են իրենց շատ վատ զգալու.«Եթե այսօր վատ չզգան, վաղն են վատ զգալու, որովհետեւ Հայրիկյանի դիակի վրա նախագահականի համար պայքարը, բնական է, լավ ավարտ պետք է չունենար: Ես կարողացա Հայրիկյանի դիականացումը կանխել, բայց ընդհանրապես եւ քաղաքական ուժերը, եւ քաղաքացին մտածելու բան ունեն: Հայրիկյանի դիակի վրա չէր կարելի աթոռի համար կռիվ տալ»,- նշեց նա:

Հայրիկյանը նշեց, որ ընդդիմադիր թեկնածուները նախագահական ընտրություններին մերժեցին իր երկխոսության առաջարկը, բայց գնացին իշխանության հետ երկխոսության, երբ իր դեպքում պայմանները շատ ավելի լավն էին եւ հաղթական էին:

«Ի վերջո ինչի՞ հանգեցին, որ պետք է երկխոսեն, երկխոսությունն էլ ինչի՞ հանգեցրեց` Հայրիկյանի ծրագրի՞ն: էս էլ որերորդ անգամ: Ես ասում էի 6 ամսից 2 տարվա ընթացքում սահմանադրական բարեփոխումներ, համակարգային փոփոխություններ: Հիմա տեսեք իշխանությունն ինչ է առաջարկում, դիմացինը ի՞նչ է առաջարկում, բա ինչի՞ եք իրարից նեղանում, ընդունեիք Հայրիկյանի ծրագիրը, ինչքա՞ն կարելի է ողորմելի ու վերջում էլ ուտող-ուրացող լինել»,- նշեց նա:

Ինչ վերաբերում է Րաֆֆի Հովհաննիսյանի հացադուլին, ապա Պարույր Հայրիկյանը նշեց, որ քաղաքական աշխարհը հացադուլի դեպքեր շատ է տեսել, բայց հացադուլով որեւէ բանի չես հասնի, «հացադուլով բարոյական շեշտադրում կարող ես անել, դա քաղաքական պայքարի ձեւ չէ»: Ինքն անձամբ հացադուլներ շատ է արել` ինչ-որ հարցերի հետ կապված շեշտադրում անելու նպատակով:

«Մարդկությունն ունի դեպքեր, երբ մարդիկ հացադուլից մահացել են, իհարկե աշխարհը շուռ չի եկել: Ես սիրում եմ այն գործիչներին, որոնք գիտեն, թե ինչ են ուզում եւ գիտեն գոնե մեկ շաբաթ առաջ: Քաղաքական գործիչը պետք է իմանա, թե ինչ ծրագրեր ունի, ինչ ժամանակացույցով: Հակառակորդի համար դու պիտի կանխատեսելի չլինես, բայց ընկերներիդ, գործընկերներիդ, քաղաքացիներիդ համար պետք է լինես բաց: Սա համարեք, որ բոլորիս է ուղղված»,- նշեց նա:

Անդրադառնալով Րաֆֆի Հովհաննիսյանի` ապրիլի 9-ին Սերժ Սարգսյանի` իր դիակի վրայով երդվելու մասին հայտարարությունը` նա նշեց, որ Անդրիաս Ղուկասյանի արած հացադուլին հասնելու համար ահագին ժամանակ է պետք, իսկ նա, Փառք Աստծո, դիակ չդարձավ. «Եթե դիակի մասին եք խոսում, ապա մի փորձ է եղել Հայրիկյանի դիակի վրայով դառնալ նախագահ, այդ փորձը եղել է, բոլորն արել են, անմակարդակ զանգվածը դրան ընթացք է տվել, հիմա հաջորդ դիակի մասին դեռ խոսք չկա, Աստված ոչ անի, որ Րաֆֆին լինի»,- նշեց Հայրիկյանը:

ԱԻՄ առաջնորդն ասաց, որ զանգվածային դժգոհությունը շատ տրամաբանական եւ առողջ է, դա ընդվզում է որեւէ բան ցուցադրելու համար, այլ բան է քաղաքական պայքարը: «Րաֆֆի Հովհաննիսյանը, մյուսների անունները չեմ էլ ուզում տամ, թող ներող լինեն, իր շանսը կորցրեց, որովհետեւ ես իմ բաց նամակով առաջարկել էի լուծում, որը ընդունելի էր բոլորի համար, նույնիսկ պարզվում է Սերժ Սարգսյանի համար: Ինքը առիթից այդ պահին չօգտվեց, հիմա գործը տասնապատիկ ավելի դժվար է»,- նշեց Հայրիկյանը:

Նրա խոսքով` պայքարը ինքնանպատակ չպետք է լինի, այլ որոշակի ծրագրերի իրականացման համար: «Իր սկսած պայքարը ո՞րն էր, ժողովրդավարության նվազեցումը, եթե մարդը խոսում է խորհրդարանական հանրապետություն ստեղծելու մասին, այսինքն` նախագահական ընտրություններին երկրորդական տեղ է տալիս, ժողովրդավարության առկայությունը պակասում է, չեմ հասկանում իր պայքարը ո՞րն էր, դա՞ է իր պայքարը` նվազեցնել ժողովրդավարությո՞ւնը, ես այդ տեսակ պայքարը չեմ ողջունում, պայքարի արդյունքում պետք է ավելացնել ժողովրդավարությունը, ոչ թե պակասեցնել: Լավ, Բագրատյանը ասենք ՀՀՇ-ական էր, կարճամիտ, ինքնասիրահարված, կարծում էր, թե սովխոզի դիրեկտոր պիտի դառնար, բայց դու` Րաֆֆի, քեզ թվեր էի չէ՞ ցույց տալիս, ցույց էի տալիս` ինչ է կատարվում, այդ պահը չես օգտագործում, հետտ ուզում ես ինչ-որ բանի հասնել, դժվար է չէ՞ լինելու»,- նշեց նա:

 
Category: Հարցազրիւյցներ
Published on 25 February 2013
Print

«Երեկ «Ժամանակը» ՀՀ նա­խագահի թեկնածու, ԱԻՄ նա­խագահ Պարույր Հայրիկյանին հարց ուղղեց` կմիանա՞ արդյոք Րաֆֆի Հովհաննիսյանի հավա­քին. «Իսկ ինքը միացա՞վ իմ հանրահավաքին, ի՞նչ միանա­լու մասին է խոսքը, իրենց հանրահավաքը իրենց հանրահավաքն է…»:

Քանի որ ընդդիմա­դիր ձայների մեծ մասը հավա­քեց Ր. Հովհաննիսյանը, հնա­րավո՞ր է, որ միանաք. «Պրծան էդ ընդդիմադիր ձայները, ամեն ինչ պրծավ, բայց երբ ձեզ հայտնի դառնա՝ ինչ է անելու Րաֆֆի Հովհաննիսյանը, նոր կարող եք հարցնել իմ կարծի­քը, այլապես միանալն ինք­նանպատակ է», – ասաց Հայրիկյանը»,- գրում է «Ժամանակ» օրաթերթը։

 

Աղբյուր՝ 168ժամ

 
Category: Հարցազրիւյցներ
Published on 06 March 2013
Print

ԱԻՄ առաջնորդ, մահափորձի ենթարկված նախագահի նախկին թեկնածու Պարույր Հայրիկյանի առողջական վիճակը շարունակում է մնալ նույնը: NEWS.am-ի թղթակցի հետ զրույցում նա նշեց, որ Կարմիր Խաչի վերականգնողական կենտրոնում ինտենսիվ բուժման կուրսեր է անցնում աջ ձեռքի ցավը մեղմելու ուղղությամբ,շատ քիչ առաջընթաց է զգում: Առայժմ չի մտածում արտերկրում բուժում ստանալու մասին: Բժիշկները նրան հայտնել են, որ այս վիճակը կարող է շարունակվել նվազագույնը 3 ամիս:

Ի դեպ, Պարույր Հայրիկյանից հետաքրքրվեցինք նաեւ էպոսագետ ներկայացող նախագահի նախկին թեկնածու Վարդան Սեդրակյանի ձերբակալման լուրերի մասին: Հարցին, թե հավատում եք, որ նա կապ ունի ձեր մահափորձի հետ, նա այսպես պատասխանեց. «Եթե մասնավոր մի բան լիներ, ասենք օրինակ' ընկերներ լինեինք, մի 20 տարի առաջ վիճած լինեինք, այդ մարդուն չեմ ճանաչել, բացի այդ էլ' մահափորձը մասնավոր բան չի եւ մասնավոր նկատառումով չի արված, այլ քաղաքական, այդտեղ շատ անսպասելի բաներ են հնարավոր' պատվիրատու, պատվիրատուի պատվիրատու, պատվիրատուի պատվիրատուին պատվեր տվող, այնպես որ ես որեւէ նախնական գնահատական չեմ տա, քննություն անող կա, թող քննեն, դրա համար իրենք պետությունից աշխատավարձ են ստանում: Թող քննեն, պարզեն, մեզ ասեն, մենք էլ կամ հավաստի կհամարենք, կամ ոչ, մեր գործն է: Պարզ չի, որ ինքը անձ է, նա չի կարող լինել, եթե ինքը մասնակից է դրան, ապա ինչ-որ մեկի պատվերն է կատարել»:

Հայրիկյանը շեշտեց, որ երբեւէ շփում չի ունեցել Վարդան Սեդրակյանի հետ, չի էլ ճանաչել նրան, ընդամենը ընտրություններին «մի քանի հիմար արտահայտություններ է լսել»:

Ի դեպ, հայտնի չէ' ԱԻՄ-ը կմասնակցի Երեւանի ավագանու ընտրություններին, թե ոչ, կուսակիցները նրան չեն դիմել այդ հարցով' մտածելով չծանրաբեռնել:

 
Category: Հարցազրիւյցներ
Published on 24 February 2013
Print

Եթե կլինեն նպատակադրումներ, որոնք չեն հակասի ԱԻՄ-ի ծրագրերին, այդ դեպքում չի բացառվում, որ Պարույր Հայրիկյանը միանա Ազատության հրապարակում բողոքի ակցիաներ կազմակերպող Րաֆֆի Հովհաննիսյանին: Այս մասին NEWS.am-ի թղթակցի հետ զրույցում ասաց ԱԻՄ նախագահ Պարույր Հայրիկյանը, հավելելով, որ «Ժառանգություն» կուսակցության նախագահ Րաֆֆի Հովհաննիսյանի հետ փետրվարի 21-ին հերթական անգամ հանդիպել խոսել են, բայց նրա մարտավարությանը ծանոթ չէ:

«Նրա հետ հանդիպել, խոսել ենք, բայց չենք քննարկել իր մարտավարությունը եւ ռազմավարությունը, թե ինքն ինչ համակարգ է նախատեսել»,- ասաց Պարույր Հյարիկյանը:

Հարցին, թե հավանակություն կա՞, որ միանա Րաֆֆի Հովհաննիսյանին, Հայրիկյանը պատասխանեց. «Եթե կլինեն նպատակադրումներ, որոնք չեն հակասի իմ ծրագրերին, այդ դեպքում չեմ բացառում, բայց մեր հիմնական սկզբունքային մոտեցումները մի քիչ տարբեր են»:

Ինչ վերաբերում է Րաֆֆի Հովհաննիսյան կատարած քայլերին, ԱԻՄ նախագահն ասաց. «Ես որեւէ սխալ չեմ տեսնում: Րաֆֆի Հովհաննիսյանի մեծագույն սխալը եղել է այն, որ չի արձագանքել իմ միասնական ճակատով գնալու կոչին: Դա այնքան մեծ սխալ էր, որն ուղղելու համար պետք է փորձի ամիսների աշխատանք կատարի: Մինչդեռ այն ժամանակ, եթե արձագանքեր, բոլոր հարցեը լուծված  կլինեին: Ավելին` շատ ուրախ եմ, որ ժամանակին այդ կոչը հրապարակային եմ արել»:

 

Page 6 of 11

 

Որոնում

Վերջին տեսանիւթեր

?>?>