ԱԻՄ առաջնորդ Պարույր Հայրիկյանը իր մի քանի տասնյակ համակիրների հետ Արամ Խաչատրյանի արձանի մոտից այսօր` մարտի 28-ին, ԵՄ և ՀՀ դրոշներով շարժվեց դեպի Ազատության հրապարակ, որտեղ տեղի ունեցավ նրա հավաք-հանդիպումը:
«Երեկվանից շատ բան է փոխվել, մեր բոլոր քաղաքական գործիչները պետք է հասկանան, որ պետք է մի խնդիր իրենց առջև դնեն. սահմանազատվել Սերժ Սարգսյանից, հակառակ դեպքում իրենք չեն հասկանում, թե ինչ ամոթալի վիճակում են հայտնվել: Աշխարհում ավելի քան հարյուրից ավելի պետություններ մի կողմում են, իսկ մյուսները` մի քանի թոկից փախածներ, մի կողմում: Հայաստանը միացավ այդ թոկից փախածներին»,- ասաց Պարույր Հայրիկյանը՝ անդրադառնալով նախօրեին ՄԱԿ-ում Ղրիմի հանրաքվեի արդյունքները չճանաչելու վերաբերյալ բանաձևին դեմ քվեարկելու Հայաստանի որոշմանը։
ԴԷՊԻ ԲԱՑԱՐՁԱԿ ԺՈՂՈՎՐԴԱՎԱՐՈՒԹԻՒՆ
Նուիրում եմ բոլոր ժամանակների բոլոր ազգերի ազատասէր մարդկանց..
Ժողովրդավարութիւնը մեծագոյն համամարդկային արժէքներից է։ Պետութիւնների ժողովրդավարականութեան կողմնակիցներն արձանագրում են, որ իր բոլոր թերութիւններով հանդերձ ժողովրդավարութիւնը հասարակական յարաբերութիւնների կարգաւորման եւ ազգային պետական կեանքի կառավարման լաւագոյն համակարգային հնարաւորութիւնն է։ Ընդգծւում է նաեւ այն, որ ժողովրդավարութիւնը դարձել է միջազգային յարաբերութիւնների կարգաւորման, պետութիւնների խաղաղ գոյակցութեան եւ զարգացման գլխաւոր նախապայմանը։