Դժբախտ մարդ է Վարդան Սեդրակյանը

Category: Հրապարակումներ
Published on 30 January 2014
Print

«Ինչ կասեն, չի կարելի հալած յուղի տեղ ընդունել, որովհետեւ այդ մարդիկ պաշտպանվելու, փրկվելու ուղիներ փնտրելու խնդիր ունեն: Հիմա մի բան կարող եմ փաստել, որ Սեդրակյանն ու իր փաստաբանը Սիրունյանը, մոռանում են, չեմ ասում ստում են, որ երբ ես դատարանում հանդես եկա միջնորդությամբ՝ պարզել թե ինչ գումարներով է ինքը խաղացել ու պահանջեցի որպես վկա հրավիրել հայր եւ որդի Աբրահամյաններին՝ գործում նշված է՝ Ռուսաստանի ԱԱԾ աշխատակիցը, Սեդրակյանն ու նրա, դժբախտ փաստաբանը, (ում դեռ ասելիք ունեմ, որովհետեւ կնոջը մեջտեղ գցեց, երբ ասացի, որ բոլոր նրանք, որոնք ասում են թե մահափորձ չի եղել՝ սրիկա են), դեմ արտահայտվեցին իմ միջնորդությանը, երբ դատարանը հարցրեց բոլորին՝ ով ինչ կարծիքի է: Ստացվեց այնպես որ մեղադրողը կողմը դեմ էր, որովհետեւ երեւի պետությունը խնդիրներ ուներ ու պաշտպանող կողմը դեմ է, մնացի միայն ես, դատարանն էլ հիմք ունեցավ որպես վկա չհրավիրելու: Հիմա անցնելուց հետո ի՞նչ կապ ունի, դու արել ես, թե ոչ: Եթե չես արել, ուրեմն դու եւ քո փաստաբանը ուրիշ բաների մասին չխոսեիք, խոսեիք նրա մասին, որ կապ չունեք: Փաստաբանն էլ սկսեց խոսել, թե մահափորձ չի եղել, Հայրիկյանի վրա չեն կրակել: Նրանք այսօր բարոյական իրավունք չունեն Աբրահամյանների մասին խոսելու, որովհետեւ իրենք դեմ են եղել Աբրահամյաններին դատարան հրավիրելու մեր պահանջին»,- Aravot.am-ի հետ զրույցում ասաց ԱԻՄ առաջնորդ Պարույր Հայրիկյանը՝ արձագանքելով էպոսագետի ձեռագիր նամակին:

Հիշեցնենք, որ «Առաջին լրատվականի» հրապարակած նամակում էպոսագետը անուններ է թվարկում, մասնավորապես ավիացիայի նախկին պետ Ալեքսանդր Աբրահամյանի ու նրա որդու Էդուարդ Աբրահամյանի անունները եւ պնդում , որ նրանք հովանավորել են իր նախընտրական քարոզարշավը, հետո հետ պահանջել ներդրած գումարները եւ հետ չստանալով՝ սպառնացել, որ վրեժ կլուծեն, դատի կտան, կնստեցնեն:

Հիշեցնենք նաեւ, որ 2013 թվականի հունվարի 16-ին Aravot.am-ը էպոսագետից հետաքրքրվել էր՝ ճիշտ են լուրերը, որ պաշտպանության նախարարության ռազմաօդային ուժերի նախկին հրամանատար Ալեքսանդր Աբրահամյանն է (նույն Ալեքսանդր Աբրահամյանը, ում անունը էպոսագետը իր նամակում նշել է) նրա քարոզարշավը հովանավորում, էպոսագետը հերքել էր՝ ասելով. «Հարցը լուրջ չէ քննարկման համար: Որովհետեւ դժվար թե այդ մարդը ինձ գումար տար, որ ես իմ համար առանձնատներ կառուցեի: Մի քիչ խորը մտածեք»:

Պարոն Հայրիկյանի խոսքով. «Դժբախտ մարդ է Վարդան Սեդրակյանը: Եթե մասնակցել է այդ գործին առավել դժբախտ, բայց բախտավոր այնքանով, որ չմահացա, ու ինքն էլ փրկվեց մահից, եթե մասնակցել է…»:

Նշենք նաեւ, որ էպոսագետի մատնանշած Էդուարդ Աբրահամյանն արդեն 20 օր է՝ Անգլիայում է:

 

Աղբիւր՝ Aravot.am

sdfsdfsdfsdfsdf