Գազի փաստաթղթին կողմ քվեարկող հայ պատգամավորի դեմքին հանգիստ կարող եք ասել՝ քո սերունդները կթքեն քո երեսին. Պ. Հայրիկյան

Category: Հրապարակումներ
Published on 20 December 2013
Print

«Ազգային ինքնորոշում միավորման» առաջնորդ Պարույր Հայրիկյանը գտնում է, որ այսօր հիմնական խնդիրը Հայաստանի արտաքին քաղաքականության մեջ տեղի ունեցող կողմնորոշումներն են, մասնավորապես՝ Հայաստանի և Ռուսաստանի միջև գազի վերաբերյալ կնքվող պայմանագրերը, որոնք այսօր Ազգային ժողովի քննարկմանն է դրված: «Այնտեղ արգելվում է, որ Հայաստանը կարող է այլ երկրներից գազ ներկրել: Եթե կգտնվի որևէ հայ պատգամավոր, որն այդ հատվածին ծանոթ լինելով «այո» կքվեարկի, դուք հանգիստ կարող եք նայել նրա դեմքին և ասել՝ քո սերունդները կթքեն քո երեսին»,- այսօր կայացած ասուլիսին հայտարարեց նա:

Վերջինիս խոսքով՝ բոլոր երկրներում էլ իշխանությունները հաճախ ժողովրդի կամքին չհամապատասխանող որոշումներ են ընդունում, այդպիսի բան Հայաստանում առաջին անգամ է արվում, իշխանությունը Եվրոպայի փոխարեն ընտրում է Ոսկե հորդան:

«Գազի փաստաթղթի ճակատագիրն են քննարկում, ես հույս չունեմ, որ այն մեծամասնության կողմից կքննարկվի»,- ասաց նա։

Որպես կարևոր հանգամանք, Պարույր Հայրիկյանը նաև ընդգծեց, որ ինչպես բոլոր հայ-ռուսական փաստաթղթերում, այստեղ ևս պայմանագիրը չեղյալ համարվելու կետ չի նշվում: «Ընդամենը վաղը պատգամավորների կարծիքը կարող է փոխվել, և այդ օրենքը կփոխվի: Իսկ պայմանագիրը դադարեցնելու մեխանիզմ չկա, մինչդեռ ցանկացած պայմանագրում դա պետք է լինի»,- ասաց նա՝ ավելացնելով, որ այսօր ազգի լինել-չլինելու հարցն է, և ինքը կմիանա ԱԺ-ի դիմաց անցկացվող բողոքի ցույցին:

 

Աղբիւր՝Tert.am

sdfsdfsdfsdfsdf