Իշխանափոխություն անելը քաղաքական ուժի գործ է (Տեսանիւթ)

Category: Հրապարակումներ
Published on 14 December 2013
Print

ԱԻՄ առաջնորդ Պարույր Հայրիկյանն այսօր Երևանի կենտրոնում երթ անցկացրեց, որն ավարտվեց նախագահական նստավայրի դիմաց: Ազատության հրապարակից ԱԻՄ-ականները Երևանի փողոցներով քայլելով՝ քաղաքացիներին կոչ արեցին միանալ ազատ-անկախ Հայաստանի կառուցմանը, դեմ դուրս գալ Հայաստանի՝ Մաքսային միությանը միանալու կառավարության որոշմանը: 

«Առաջին լրատվական»-ի հետ զրույցում նա նշեց, որ իրենց ոչ զանգվածային, ներընկերական գործնականությունը մի նպատակ ունի՝ բոլոր ազնիվ մարդկանց մատուցել ճշմարտությունը Մաքսային միությանն անդմակցելու Սերժ Սարգսյանի որոշման վերաբերյալ. «Իրականում Սերժ Սարգսյանը կամայական մոտեցում է ցույց տվել, մենք չենք ուզում, որ մարդիկ հիասթափվեն, մտածեն, թե պայքարի ենթակա ուժ չկա»: 

Պարույր Հայրիկյանը հավելեց, որ իրենց հիմնական հանրահավաքը կլինի փետրվարի 18-ին: Մեր այն դիտարկմանը, թե փետրվարին ազատամարտիկները ևս նախատեսում են հանրահավաքներ և իշխանափոխություն, Պարույր Հայրիկյանն ասաց, որ ազատամարտիկները քաղաքական ուժ չեն, իսկ իշխանափոխություն անելը քաղաքական ուժի գործ է. «Ես ողջունում եմ ազատամարտիկների քաղաքական գործնականությունը, բայց շատ պատասխանատու եմ վերաբերվում բոլոր քաղաքական գործերին»:

Նշենք նաև, որ երթի ողջ ընթացքում ԱԻՄ առաջնորդը «ԳԱԶել» մակնիշի մեքենայի մեջ նստած՝ բարձրախոսով ուղեկցում էր երթի մասնակիցներին: Նա «ԳԱԶել»-ից իջավ միայն նախագահական նստավայրի մոտ և րոպեներ անց հրաժեշտ տվեց թիմակիցներին:

 

Աղբիւր՝ 1in.am

sdfsdfsdfsdfsdf