Դիմադրության միջոցով պետք է դադարեցնենք Հայաստանը ռուսական իմպերիայի մաս դարձնելը. Դավիթ Շահնազարյան

Category: Հրապարակումներ
Published on 29 November 2013
Print

Այսօր ԱԻՄ առաջնորդ Պարույր Հայրիկյանի՝ ՄՄ-ում Հայաստանի գաղութացման դեմ կազմակերպած հանրահավաքին ներկա էր «Համաձայնություն» կենտրոնի ղեկավար Դավիթ Շահնազարյանը: Նա որոշ լրագրողների հետ զրույցում ասաց, որ Հայաստանի բռնակցման դեմ պայքարի առաջին ուղին իրավական ճանապարհն է: Ըստ նրա, եթե այնուամենայնիվ ՀՀ-ն բռնակցվի ՄՄ-ին, դա կլինի բացարձակապես հակասահմանադրական, ուստի պետք է գնալ իրավական ճանապարհով, հասնել մինչև ՄԻ եվրոպական դատարան:

«Կասկած չունեմ, որ այնտեղ կարձանագրվի, որ դա պարզապես հակասահմանադրական բռնակցում է, և դրանից հետո թող ՌԴ-ն մտածի, որովհետև իր ռազմական բազան, զորքերը Հայաստանում կստանան օկուպացիոն զորքերի կարգավիճակ: Ես կարծում եմ, որ նման միջոցառումներ, որ այստեղ անց են կացվում, նրանք ինքնակազմակերպված՝ տեղերում, անընդհատ պետք է տեղի ունենան, քաղաքացիական դիմադրություն պետք է լինի, և դրանք հետագայում պետք է ձևավորվեն և դառնան դիմադրության շարժում, որպեսզի մենք կարողանանք պահպանել մեր պետականությունը ինքնիշխանությունն ու անկախությունը և դադարեցնենք այն գործընթացը, որը հիմա սկսված է, որի նպատակն է ՀՀ-ն դարձնել ռուսական իմպերիայի մաս»,- ասաց Դավիթ Շահնազարյանը:


 

Աղբիւր՝ 1in.am

sdfsdfsdfsdfsdf